Mama

Ang mga kwento mong paulit-ulit tungkol sa iyong kabataan

Nais ko'y muling mapakinggan

Mga ngiti mong sintamis ng asukal

Para sa akin ito ay sakdal

Ang iyong timpla ng isang tasang tsokolate

bunga ng iyong pagmamahal 

ay hindi matutumbasan ninuman

Kaya't hanap ko, dekada ay dumaan man.

Yaong huling beses na ako'y iyong yakapin
Init nito'y hinahanap pa rin
Mga araw na kasama ka ay masaya at may natutunan
Habang buhay maaalala mga iyan

Sa walong taong tayo'y nagkasama mula sa aking pagkamalay,
Kahit sa limang taong lumipas mula nang ika'y lumisan
ay hindi kailanman malilimutan
Ang pagmamahal mong wagas noon pa man.